Ականջողերի ստեղծման հիմքում Դվինից հայտնաբերված, X-XII դարերին պատկանող ոսկյա ականջողերն են, որոնց ցանցկեն վահանակից իջնում են չորս հյուսածո շղթաներ, որոնցից կախված են մարդուկներ, մահիկներ և աղավնի։
Դրվագված թիթեղն Արեգակնային երկրակենտրոն համակարգության մոդել է, որի պատրաստման համար հիմք է հանդիսացել Սևանի ավազանում գտնված, Ք․ ա․ XII-XI դարերին պատկանող, արեգակնային համակարգության մոդելը։
Կրծքազարդի ստեղծման հիմք է հանդիսացել Քարաշամբից հայտնաբերված Ք․ ա․ XXII-XXI դարերի կրծքազարդը, որի կենտրոնում անկանոն օվալի ձև ունեցող կարմրա-շագանակագույն ագաթե կուլոն է։