Հայկական գորգերի զարդաձևերի ծագումնաբանությունն ու իմաստաբանությունը

Նկարագրություն

Սույն գրքում քննության են առնված հայկական գորգերի զարդաձևերի և հորինվածքային կառուցվածքի ծագման և փուլային զարգացման հարցերը։ Հավաքչական, համեմատական, վերլուծական տարբեր մեթոդների կիրառմամբ, ազգագրական, հնագիտական, մատենագրական, բանահյուսական նյութերի համադրման արդյունքում՝ կատարվել է գորգերի հորինվածքների և զարդաձևերի համակարգված դասակարգում՝ ըստ ձևի և բովանդակության։

Աշխատության նպատակներից է ցույց տալ Էթնո-մշակութային ավանդույթում իր ուրույն տեղն ունեցող հայկական գորգագործական արհեստի և արվեստի կապը Հայաստանի տնտեսական, քաղաքական և հոգևոր զարգացման ժամանակաշրջանների հետ սկսած վաղ երկրագործական մշակույթի շրջանից մինչև խորհրդային տարիների ժամանակահատվածը։

Ուսումնասիրության ընթացքում փորձ է արվել բացահայտել հայկական գորգարվեստի վերելքի և անկումային շրջանի նախադրյալներն ու պատճառները։ Գրքում հատկապես մեծ տեղ է զբաղեցնում հայկական գորգարվեստի և հայկական հոգևոր կամ ժողովրդական ու կրոնական պաշտամունքների և ծեսերի միջև անքակտելի կապի ուսումնասիրման բաժինը։

Մանրամասներ